தமிழ் புத்தாண்டு : விளம்பி வருட ராசிபலன்கள் -
விளம்பி வருட ராசிபலன்கள் - 2018
பலவிதமான திறமைகளையும், பொறுமையும், நிதானமும் உடைய கும்ப ராசி அன்பர்களே !
உங்கள் ராசி அதிபதியான சனி பகவான் பதினென்றாம் இடமான லாப ஸ்தானத்தில் இருப்பதால் புதிய மனை மற்றும் வாகனம் வாங்கும் யோகம் ஏற்படும். பணிபுரியும் இடங்களில் செல்வாக்கு மற்றும் மதிப்புகள் உயரும். பொது நலச் செயல்களில் ஈடுபடுவோர்க்கு அங்கீகாரம் கிடைக்கும். நண்பர்களிடம் அனுசரித்து செல்லவும். வாரிசுகளின் திருமணத்தை சிறப்பான முறையில் செய்து முடிப்பீர்கள். தன்னம்பிக்கையுடன் புதிய தொழில் தொடங்குவீர்கள். மூத்த சகோதரர்களிடம் அமைதியுடன் இருக்கவும். புதிய நபர்களின் அறிமுகத்தால் ஆதரவு உண்டாகும்.
குரு பகவான் ராசிக்கு ஒன்பதாம் இடத்தில் இருப்பதால் பெரிய விஷயங்களையும் சர்வ சாதாரணமாக செய்து முடிப்பீர்கள். பெரியோர்களிடம் மரியாதை அதிகரிக்கும். குடும்பத்தில் சிற்சில பிரச்சனைகள் அவ்வப்போது வந்து போகும். பு ர்வீக சொத்துகளில் இருந்து வந்த சிக்கல்கள் நீங்கி சுமூகமான முடிவு உண்டாகும். திருத்தல வழிபாடு தொடர்பான பொறுப்புகள் வந்து சேரும்.
ராகு பகவான் ராசிக்கு ஆறாம் இடத்தில் இருப்பதால் தொழில் வகையில் உண்டாகும் போட்டிகளை சமாளித்து வெற்றி கொள்வீர்கள். வெளிவட்டாரங்களில் நிதானத்துடன் செயல்படவும். பணம் கொடுக்கல் வாங்கலில் இழுபறி நேரிடலாம். கேது பகவான் ராசிக்கு பனிரெண்டாம் இடத்தில் இருப்பதால் ஆன்மிகத்தில் நாட்டம் அதிகரிக்கும். உடல்நலத்தில் கவனம் தேவை. பிரயாணங்கள் அதிகம் மேற்கொள்ள வேண்டிய சு ழல் உண்டாகும்.
மாணவர்களுக்கு :
மாணவர்களுக்கு கல்வியில் எண்ணிய முன்னேற்றமும், நல்ல மதிப்பெண்களும் கிடைக்கும். தொழிற்கல்வி சம்மந்தமான படிப்புகளில் புதிய முயற்சிகளால் அனைவராலும் பாராட்டப்படுவீர்கள்.
கலைஞர்களுக்கு :
கலைஞர்களுக்கு இவ்வருடம் சுபிட்சமான காலமாக அமையும். எதிர்பார்த்த வாய்ப்புகள் சாதகமாக அமையும். பொருள் சேர்க்கையால் மகிழ்ச்சி உண்டாகும். கவலைகள் நீங்கி புத்துணர்ச்சியுடன் செயல்படுவீர்கள்.
விவசாயிகளுக்கு :
விவசாயிகளுக்கு எதிர்பார்த்த விளைச்சல் உண்டாகும். நிலபுலன்கள் சேர்க்கை உண்டாகும். நீர் வள மேலாண்மைக்கான பணிகளால் லாபம் அதிகரிக்கும்.
அரசியல்வாதிகளுக்கு :
அரசியல்வாதி மற்றும் அரசு அதிகாரிகள் பிடிவாத குணத்தை தவிர்த்து கனிவுடன் நடந்து கொண்டால் எதிர்பார்த்த ஆதரவு கிடைக்கும். மக்களிடையே நல்ல பெயர்கள் அமைவதற்கான சு ழல் உண்டாகும்.
பெண்களுக்கு :
பெண்களுக்கு விரும்பிய எண்ணங்கள் யாவும் இனிதே நடைபெறும். தோழிகளின் அறிமுகத்தால் புதுவிதமான ஆதரவு உண்டாகும். பணியில் உள்ள பெண்களுக்கு பணி உயர்விற்கான வாய்ப்புகள் உண்டாகும்.
வியாபாரிகளுக்கு :
வியாபாரிகளுக்கு தொழிலில் முன்னேற்றமான சு ழல் உண்டாகும். புதிய பங்குதாரர்களின் அறிமுகம் மற்றும் வாடிக்கையாளர்களின் ஆதரவால் லாபம் உண்டாகும். தொழில் சம்பந்தமான இடமாற்றம் நேரிடலாம்.
பொருளாதாரம் :
பொருளாதாரத்தில் ஏற்ற இறக்க நிலைகள் உண்டாகும். வரவுக்கு ஏற்ற செலவுகள் உண்டாகும். எனவே, ஆடம்பர செலவுகளையும், தேவையற்ற செலவுகளையும் தவிர்ப்பது நல்லது.
பரிகாரம் :
சு ரிய உதயத்திற்கும், அஸ்தமனத்திற்கும் முன் பின் நான்கு நிமிடங்களில் கால பைரவரை வழிபாடு செய்வது சிறந்த முன்னேற்றத்தை அளிக்கும்.
0 $type={blogger}:
கருத்துரையிடுக