தமிழ் புத்தாண்டு ராசிபலன்கள் 2019-2020 : மேஷ ராசி♈!!
வேகமும், துடிப்பும், உயர்ந்த சிந்தனைகளும் கொண்ட மேஷ ராசி அன்பர்களே !
புதுவிதமான இலக்குகளை நிர்ணயம் செய்வீர்கள். மேலும், அதற்கான பணிகளை மேற்கொள்வதற்கான ஆதரவும், வழிகாட்டுதலும் ஏற்படும். மனைவிவழி உறவினர்களால் ஆதரவான சூழலும் ஏற்படும். பயணங்களின் மூலம் அனுகூலமான வாய்ப்புகள் ஏற்படும். மேலும், புதுவிதமான அனுபவம் உண்டாகும். பூர்வீக சொத்துகளால் லாபம் அடைவீர்கள். உத்தியோகத்தில் வேலைப்பளு குறையும். மனதில் நினைத்த செயல்களை நினைத்த விதத்தில் சில தடைகளுக்குப்பின் செய்து முடிப்பதற்கான வாய்ப்புகள் உண்டாகும். எதிர்காலம் சார்ந்த முடிவுகளால் அனுகூலமான பலன்கள் உண்டாகும். குடும்ப உறுப்பினர்களிடம் சிறு சிறு வாக்குவாதங்கள் ஏற்பட்டாலும் சாதகமான பலன்கள் உண்டாகும். செய்யும் முயற்சிகளில் சற்று கடினமாக செயல்பட வேண்டும். ஆன்மீக பயணங்களை மேற்கொள்வதற்கான வாய்ப்புகள் உண்டாகும்.
அரசியல்வாதிகளுக்கு :
அரசியல் சார்ந்த துறையில் இருப்பவர்களுக்கு கீர்த்திகள் உண்டாகும். கொடுத்த வாக்குறுதிகளை நிறைவேற்றுவதால் வெளிவட்டாரங்களில் செல்வாக்கு மேம்படும். உடன் இருப்பவர்களால் ஆதாயமான பலன்கள் உண்டாகும். கோப வார்த்தைகளைத் தவிர்த்து சற்று நிதானமாக செயல்படுவது உங்கள் மீதான நம்பிக்கையை அதிகரிக்கும்.
விவசாயிகளுக்கு :
எதிர்பார்த்த விளைச்சலால் லாபம் உண்டாகும். புதிய மனை மற்றும் விவசாயம் தொடர்பான கருவிகளை வாங்குவதற்கான உதவிகள் சாதகமாக அமையும். பாசன வசதிகள் தொடர்பான பிரச்சனைகள் குறையும். கால்நடைகளால் எதிர்பார்த்த லாபகரமான வாய்ப்புகள் உண்டாகும்.
வியாபாரிகளுக்கு :
வியாபாரத்தில் புதிய யுக்திகளை கையாளும்போது சற்று சிந்தித்து செயல்படவும். மறைமுக எதிர்ப்புகளால் ஏற்பட்டு வந்த காலதாமதம் குறையும். தொழில் நிமிர்த்தமான எதிர்பார்த்த கடன் வசதிகள் சாதகமாக அமையும். வியாபாரத்தில் வேலையாட்களுடன் சற்று நிதானமாக செயல்படுவது நன்மையளிக்கும்.
மாணவர்களுக்கு :
மாணவர்களுக்கு கல்வியில் சாதகமான சூழலும், தகுந்த வழிகாட்டுதலும் ஏற்படும். விளையாட்டில் ஈடுபடும் மாணவர்கள் சற்று கவனத்துடன் செயல்படவும். ஆராய்ச்சி சார்ந்த கல்வியில் எதிர்பார்த்த முடிவுகள் கிடைக்கும். வெளி தேசங்கள் சென்று படிப்பதற்கான வாய்ப்புகள் அமையும்.
பெண்களுக்கு :
பெண்களுக்கு குடும்பத்தில் பெரியோர்களின் ஆதரவுகளால் மகிழ்ச்சியான சூழல் உண்டாகும். எதிர்பார்த்த வரன்கள் காலதாமதத்திற்கு பின்பு அமையும். உத்தியோகத்தில் தேவையில்லாத அலைச்சல்கள் ஏற்பட்டாலும் சாதகமான பலன்கள் உண்டாகும். சிலருக்கு பணி இடமாற்றம் ஏற்படலாம். மனதிற்கு விரும்பிய பொருட்களை வாங்கி மகிழ்வீர்கள்.
உத்தியோகஸ்தரர்களுக்கு :
உத்தியோகத்தில் எதிர்பார்த்து கொண்டிருந்த இடமாற்றங்கள் சாதகமாக அமையும். உடன் பணிபுரிபவர்களுடன் இருந்துவந்த கருத்து வேறுபாடுகள் நீங்கி ஒற்றுமை அதிகரிக்கும். உத்தியோகம் தொடர்பான வெளியூர் பயணங்கள் மேற்கொள்வதற்கான சூழல் உண்டாகும். உத்தியோகத்தில் திறமைகளை வெளிப்படுத்தி அனைவரின் பாராட்டுகளையும் பெற்று மகிழ்வீர்கள்.
கலைஞர்களுக்கு :
கலைஞர்கள் சில போராட்டங்களுக்கு பின்பு தங்களது திறமைகளை வெளிப்படுத்துவதற்கான சூழல்கள் உண்டாகும். தேவையற்ற கருத்துக்கள் மற்றும் எண்ணங்களை தவிர்ப்பது உங்களின் மீதான நம்பிக்கையை அதிகப்படுத்தும்.
பரிகாரம் :
புதன்கிழமைதோறும் பெருமாளை தரிசித்து வருவதால் முயற்சிகளில் இருந்துவந்த தடைகள் நீங்கி முன்னேற்றம் உண்டாகும்.
0 $type={blogger}:
கருத்துரையிடுக